عبد المنعم حسين يكتب: هو فيه كده ؟

عبد المنعم حسين يكتب: هو فيه كده ؟
..........................
:::::::::::::::::::
..............
نمشي كده ولا كده

كلامنا ده حقيقي

ولا كده وكده

مال الخيوط متشبكة

مال الخطوط متلعبكة

لو عاوز تحل

فين المسألة ؟

لو عاوز تصلح

فين المشكلة ؟

هى عقل ولا فتونة ؟

أفكار ولا بلطجة ؟

ودان ولا ألسنة ؟

ولا من ده وده

الشقة متكركبة

الصراصير والفيران

خرجوا من الأركان

والعناكب بتنسج ع الأعمده

وأبويا قاعد عينه مغفله

سايب اللي داخل واللى خارج

واللى بيبيع عفشنا

واللي بيغازل أمنا

يابا دانت الحاكم والقاضي

طب ليه كده ؟

ليه الحقيقة مشوشة ؟

ليه الأوراق متلخبطة ؟

هو ده الفيلم الحقيقي

ولا كل الأفلام متفبركة ؟

وهو نظام سقط

ولا رسوم متحركة ؟

الفار اللى تفعصه

يقوم تاني

ويبقى له أجنحة

أفلام مش مضحكة

أفلام مقرفة

هو فيه أم تحبل

تتعذب فى الولادة

ولما تولد

ترميه للديابة

هو فيه أم

غاوية تعيش متلطمة

حابة تعيش متشحططة

ولا فى زمن الفساد

والمسخرة

متنفعش ثورة طيبة

هو فيه كده

ولا هي كانت كده وكده !

ألف شكر يا باشا ومجهود رائع استمر يا باشا و نشاء الله في جوايز أريب لاعضاء النشطين

» خالد حبيب يكتب: كلهم براءة؟! حلول مجنونة لأوضاع غير طبيعية
» د.نادر فرجاني يكتب:عقاب الشعب على الثورة يمهِّد لثورة أخرى قادمة